نورس قاطع فوق البحْر... حامل ع جناحو مكتوب ... شال الموجة الكلا قهْر ... يرسم بالأجواء دروبْ...

قصيدة "طيّارة أيوب" :

نورس قاطع فوق البحْر...
حامل ع جناحو مكتوب ...
شال الموجة الكلا قهْر ...
يرسم بالأجواء دروبْ...

صار النورس فوق البرّ
وبعدو جناحو طاير حرّ..
الله مبّعد عنو الشرّ..
وعم يدعيلو صدْق قلوب..

صار يحلق فوق بلاد..
احتلا صهيوني جلاد..
ما شافو سلاح الصياد..
وبعدو طاير عم بيجوب ..
ولمنّ بديمونا صار ...
طلعولو طيور الأشرار ..
هونيك بيخلص مشوار ..
لكن عنا تحقق حلم ...
إسمو طيارة أيوب ...

و حسين بخيطان الطهر ..
عند الحقل وحدْ النهر
طيرّ طيارة ألوان...
جاب قماشا من إيران..
وجمّعها ب فيّة لبنان ...
وصهيوني أصبح فزعان ..
شاف النجمة بعزّ الضهر ...

دم الشهدا باقي دين ..
وحاضر بالقلب وبالعين
هيدا مولودك يا حسين ...
إسمو طيارة أيوب ..
إسمو طيارة أيوب ...