يا لْ حاقن بفكرك جهل مقصود وزارع بدقنك وسخ هاللحية

من الضاحية من جرحها المفجوع
لطرابلس بعدو الجرح دامي
قتل ودمار وتعزية ودموع
والغدر صاحي ولا أمن حامي

وهالشرّ حطّم إلفة الهدنة
وبعدو بأرض لبنان متنكِّر
لابس قناع النار والفتنة
ما عاد يكفي نضّل نستنكِر

يا لْ حاقن بفكرك جهل مقصود
وزارع بدقنك وسخ هاللحية
وحامل سيوف الحقد والبارود
ونار الفتن والكفر عم تحيي

مين اللي قلّك شُرعة الأديان
قتل النفس والروح بتحلّل
عم تاكل بإيدك لحم إنسان
ومتلك بمي وطين متبِلّل

عم تقتل وعالحق متجني
وسارح عطُهر الحق تتمشى
مفكّر بعقلك تُدخل الجنّة
وناطر نبينا معك يتعشى؟؟؟

بقلم : حسن حسين خليفة/ تانزانيا