انت ال قلتْ انت ال كنتْ...تنطر المهدي وما هنت عم ننطر المهدي وانت..فليت يا مهدي..

 

 قصيدة "سامحتك" للزميل الشاعر محمد علوش في الشهيد مهدي ياغي :

ما قدرتْ أصبر عالألم..

مهما عملت جهْدي

ألنهدة بانفاسي علم

ما أجرأ النهدي

انت ال قلتْ انت ال كنتْ...

تنطر المهدي وما هنت

عم ننطر المهدي وانت..فليت يا مهدي..

طب طل نتفة من السما...لما الصبح توعى

بتروحن دموع الدما...بعيون مفجوعة

برصاصتك جسمك فرح...

شافن بجرحك شو مرح

صارت رصاصة ال بالجرح..

هيي الموجوعة

 البسمة على تمك طفل.. وبتعرف تكاغي

روح بالجنة احتفل.. ومن عندها ناغي

لرفاق دربك للاهل... ما العمر ماشي عامهل

تانلتقي منو سهل..ضلك تعا ياغي

 

امك عم تعدّ الوقت..

عذرني اذا جرحتك

اكتر ما بالكف مرقت...

عاحبوب مسبحتك

وسمعتها قالت حكي...

متل الحكي لكن بكي

للانبيا عليي اشتكي...ان ما كنت سامحتك...

حملت نعشك كاني حملت مهدي

شهيد وعادروب الحق مهدي

كتر ما شع بالجنات مهدي

فلش عا حورها طرحة ضباب