قصيدة للزميل الشاعر محمد علوش بمناسبة عيد الأم .
قصيدة للزميل الشاعر محمد علوش بمناسبة عيد الأم .
عندي لغة بالقلب..
وعندي وفا بدمّي...
عم برسمك عالدربْ...
وعم يعزفك تمّي....
فيكي القوافي بتنعجبْ...
بقلام عم ترشح دهبْ...
اجمل قصيدي بتنكتبْ...
فيها قلب أمّي
****
ظلّي ن نساني وما سألْ...
انتي ولا نسيتي...
بيزهّر بعيني امل...
لو شفتك حكيتي...
ع دعوتك قلبي انشرَح...
ومرتاح طاير بالفرَح...
بواب السعادة بتنفتَح....
عليّي اذا رضيتي
****
ع موج تحنانك عبرْ...
مركب عمرْ صافي...
وسراج قلبك شو صبرْ...
وبعدو وهجْ دافي...
شوفي الربيع مكلّلِك...
وورود تتلون الِكْ...
قطر الندى عم يحمِلك...
وفيكي السحرْ غافي
