ل دبْحو بإسم الدين مندّسين صدقوني الوقت طاحوني بيغربل السوسي بيبقى التين الخيرات للأحرار مرهوني
قصيدة للزميل الشاعر محمد علوش لبلدة معلولا السورية
شقفة سما قبل الزمن والطين
بصدر الشرق وقعت متل قوني
قدسولي بدير عمرو سنين
وطعم الأبانا لا تحرموني
وهونيك بالجامع مع مصلّين
شمعة بليلة قدر إحيوني
جيتي يا معلولا على التكوين
آية بلون الحب معجوني
اهل وغيارى وناس ومحبين
مسلم ونصراني..وزيتوني
بيتقاسموها بسقعة كوانين
وغير الوفا ما جمعو موني
ل دبْحو بإسم الدين مندّسين
صدقوني الوقت طاحوني
بيغربل السوسي بيبقى التين
الخيرات للأحرار مرهوني
انتي يا معلولا يا رمز الدين
كانت الأرض بتنتهي لوما
حجاب السلام بعبّها تكوني
