28-03-2024 06:49 PM بتوقيت القدس المحتلة

منتدى ألوان يحاور الشهيد حمزة الحاج حسن بالشعر والموسيقى

منتدى ألوان يحاور الشهيد حمزة الحاج حسن بالشعر والموسيقى

شارك منتدى ألوان بلقاء "لمّ الشمل" التكريمي للإعلامي الشهيد حمزة الحاج حسن وللتضامن مع الإعلام اللبناني، حيث كان هناك كلمات في المناسبة، وعلى طريقته اختار ان يحاور الشهيد بقصائد ومعزوفات موسيقية.

 

منتدى ألوان يحاور الشهيد حمزة الحاج حسن بالشعر والموسيقى شارك منتدى ألوان بلقاء "لمّ الشمل" التكريمي للإعلامي الشهيد حمزة الحاج حسن وللتضامن مع الإعلام اللبناني، حيث كان هناك كلمات في المناسبة، وعلى طريقته اختار ان يحاور الشهيد بمقاطع شعرية للشاعرين محمد علوش ومحمد بنوت ومرافقة موسيقية لخضر رجب على آلة الكمان .

 

 

الشاعر محمد علوش:

قلب الربيع لي انكسر
وورد انوجع كمّو
عم تنزل دموع الحجر
كلما لمح دمّو
حمزة جناين من صور
نبع الحلا منّو انغمر
من نظرتو شعّل قمر
وشتّى شعر تمّو 

***

غطوّ طريقك بالزهر
وبعرسك الحنيّ
وبخور ع كفوف الطهر
زفّوك عالجنّة
غمّض عيونك عالصفا
يا حلم مليان بوفا
وتراب عم يفرش دفا
لتنام متهني ..

***

يا فارس وخيلك صدا
كفي بمشوارك
اضحك على مراية مدا
منشوف انوارك
واعد منارك عالنهج
وغطيت عمرك بالوهج
كلما نسي عطرو المرج
بيزور أزهارك ...


الشاعر محمد بنّوت : 

كنا رح نصلي سوا
ونطل عالشاشة
مدري خيالك شو نوا
وقبل الصلا ماشي
فراشة الشاشة وما قدر
يلمس جوانحها البدر
ت فرعنت نار الغدر
عاجوانح فراشة 

****

طيفك على حروف الانا
حطلها همزة
هلق انا ليلي ضنا
سكوتي حكي رمزي
كتت الخبر لما عبر
مقاوم على الموت وصبر
ما اصعب يصير الخبر
عن غيبتك حمزة 

***

يا الف اخ مجرحة
وبتغل بتيابو
طقم البطل لما استحا
خيوط الطقم شابو
في مستحيل بينكتب
وفي معجزة وحمزة السبب
موكب صور راح انسكب
دمعة على ترابو